Կացնի 16 հարված. Գուրգեն Մարգարյանի սպանությունից 15 տարի անց Սաֆարովը շարունակում է հերոս մնալ.փաստաբան(video)

2004թ.-ի փետրվարի 19-ին ՆԱՏՕ-ի ուսումնական ծրագրին մասնակցող ՀՀ ԶՈՒ սպա Գուրգեն Մարգարյանն սպանվեց ադրբեջանցի Ռամիլ Սաֆարովի կողմից: Սպանությունից 15 տարի անց, փաստաբան Նազելի Վարդանյանը մանրամասներ է ներկայացնում սպանության գործով դատավարությունից ու դրանից հետո տեղի ունեցած իրադարձություններից. «Դատավարությունը տեղի ունեցավ Հունգարիայի Բուդապեշտ մայրաքաղաքում: Ամբողջ դատավարության ընթացքում Սաֆարովն ասում էր, որ ինքը սպա է դարձել, որպեսզի բոլոր հայերին սպանի»: Հունգարիայում Սաֆարովը դատապարտվեց ամենախիստ պատժով՝ ցմահ դատապարտվեց, 30 տարի առանց ներման իրավունքի: Փաստաբանի խոսքով՝ ցավոք Հունգարիայում իշխանափոխություն տեղի ունեցավ, որի արդյունքում 8 տարի Հունգարիայի բանտում անցկացնելուց հետո Սաֆարովին հանձնեցին Ադրբեջանին, որտեղ նրան որպես հերոսի ընդունեցին: Առավել մանրամասն՝ տեսանյութում.