«Իմ քայլը» թեկնածուներ չէր առաջադրել. Լենա Նազարյան

Երեկ ՀՀ 24 համայնքներում տեղի են ունեցել ՏԻՄ ընտրություններ, և «Իմ քայլը» թեկնածուներ չէր առաջադրել: Մեր  ուժի 7 անդամներ ինքնառաջադրվել էին, և ոմանք պարտվել են, ոմանք՝ հաղթել: Քաղաքացիները որևէ մեկի հորդորով չեն գնացել ընտրության, այլ իրենց կամքով,- ԱԺ ճեպազրույցների ժամանակ հայտարարեց  «Իմ քայլը» խմբակցության անդամ, ԱԺ փոխնախագահ Լենա Նազարյանը : «Եթե մենք ցանկանայինք, բոլոր 24 համայնքներում կարող էինք ներկայացուցիչներ առաջադրել, և, հավանաբար, նրանք կհաղթեին, բայց մենք չենք ուզում քաղաքական դաշտը մոնոպոլիզացնել, մենք ուզում ենք հատկապես ՏԻՄ ընտրություններն ազատ թողնել, անկախ նրանից՝ կուսակցության անդա՞մ են, թե՞ ոչ, իրենք առաջադրվեն, և համայնքը որոշի, թե ում է ուզում տեսնել համայնքի ղեկավար»,- հավելեց Լ.Նազարյանը: