Ժողովուրդը շատ արագ հիասթափվելու է.ԲՀԿ

«Անկախ մեր քվեարկությունից, մենք շահագրգռված ենք, որպեսզի տնտեսական հեղափոխություն տեղի ունենա: Մենք միայն ասում ենք՝ այս ծրագրով չենք տեսնում, որ այդ հեղափոխություն տեղի է ունենալու: Մենք ասում ենք՝ եթե չկան աղբյուրներն ու գործիքները, ժողովուրդը շատ արագ հիասթափվելու է:  Տնտեսական հեղափոխությունը  նշանակում է կտրուկ փոփոխություն իրերի մեջ:Ժողովուրդը պետք է շատ արագ իր մաշկի վրա զգա փոփոխությունները: Դրա համար պետք են խոշոր ներդրումներ՝ առնվազն 2,5-3 միլիարդ դոլար տարեկան: Հայաստանը կարող է արդյո՞ք այդ ծավալի ներդրումներ ընդունել: Սա լրջագույն հարց է»,- ԱԺ-ում ճեպազրույցի ժամանակ հայտարարել է ԱԺ ԲՀ խմբակցության պատգամավոր Միքայել Մելքումյանը: Մելքումյանի խոսքերով, առանց մեծ ներդրումների, Հայաստանում չի կարող տնտեսական հեղափոխություն լինել, սա է ԲՀԿ-ի տեսակետը: