Թուրքիայի Մեջլիսի նախագահ Բինալի Յըլդըրըմը հրաժարական կտա

Այսօր` ժամը 20:00-ին, նախատեսվում է Թուրքիայի Ազգային մեծ ժողովի նախագահ Բինալի Յըլդըրըմի հրաժեշտի ընթրիքը: 2019 թ. մարտի 31-ին անցկացվելիք ՏԻՄ ընտրություններում Թուրքիայի իշխող «Արդարություն և զարգացում» կուսակցության կողմից որպես քաղաքապետի թեկնածու առաջադրված Յըլդրդըմը, որը 2016-2018 թթ. զբաղեցրել է վարչապետի պաշտոնը, իսկ այնուհետև` սահմանադրական բարեփոխումներից և  վարչապետության վերացումից հետո, Ազգայի մեծ ժողովի նախագահի պաշտոնը, այսօր հրաժարական կտա մարտի 31-ի ընտրություններին պատրաստվելու համար: Ensonhaber.com կայքի հաղորդմամբ` Թուրքիայի երկրորդ ամենակարևոր` ԱԺ նախագահի պաշտոնի համար շրջանառվում է գլխավոր ընդդիմադիր Հանրապետական-ժողովրդական կուսակցության խմբակցության փոխնախագահ Էնգին Ալթայի անունը: Ընտրությունը նախատեսվում է փետրվարի 24-ին: