Ռուսաստանում հայ պլաստիկ վիրաբույժ Գևորգ Ստեփանյանի խափանման միջոցը փոխվել է
Նոյեմբեր ամսից Մոսկվայի «Բուտիրյան» բանտում գտնվող հայ պլաստիկ վիրաբույժ Գևորգ Ստեփանյանի խափանման միջոց կալանավորումը փոխարինվել է ստորագրությամբ չհեռանալու միջոցով։ Այս մասին իր ֆեյսբուքյան էջում հյատնում է ԱԺ փոխնախագահ Ալեն Սիմոնյանը։ Նա մասնավորապես գրել է․ «Մեծ ուրախությամբ ձեզ հետ լավ լուրով եմ ուզում կիսվել․ ՌԴ-ում ՀՀ դեսպան Վարդան Տողանյանի և մեր դեսպանատան ջանքերի շնորհիվ, ՀՀ առողջապահության նախարար Արսեն Թորոսյանի հետ քիչ առաջ մեզ հաջողվեց հասնել մեր հայրենակից բժիշկ Գեվորգ Ստեփանյանի խափանման միջոցի փոխարիման (ստորագրությամբ չհեռանալու միջոցով): Շնորհակալ եմ բոլոր այն մարդկանց, որոնք սատարեցին մեր հայրենակցին»։ Հիշեցնենք, որ Ստեփանյանը մեղադրվում է ՌԴ քրեական օրենսգրքի 238-րդ հոդվածի 2-րդ մասով, որը ենթադրում է առավելագույնը 6 տարի ազատազրկում, չի հանդիսանում ՌԴ քաղաքացի: Դեռևս անցյալ տարի պլաստիկ վիրաբույժին էր դիմել Կարոլինա Սարգսյանը, որը որոշել էր վիրահատել քիթը։ Վիրահատությունից երեք օր հետո հիվանդի մոտ առատ արնահոսություն է սկսվել. շտապօգնությամբ աղջկան հիվանդանոց են տեղափոխել։ Աղջկա մոտ Կվինկեի այտուց էր սկսել. այտուցվել էին գանգից սկսած մյուս բոլոր օրգանները։
Հետևեք մեզ Viber-ում
