50 նոր աշխատատեղ, ավելի քան 11 մլն դոլարի ներդրում

Վարչապետ Նիկոլ Փաշինյանն այսօր Երևանի կենտրոնում մասնակցել է «Հոլիդեյ Ինն Էքսպրես» հյուրանոցի բացմանը: Վարչապետը ծանոթացել է հյուրանոցի հնարավորություններին, առաջարկող ծառայություններին. հիմնադիր-նախագահ Ղուկաս Գրիգորյանի հետ շրջել է հյուրանոցի տարածքում: Հյուրանոցի կառուցումը տևել է 3 տարի, 11 մլն դոլարի ներդրում է իրականացվել, այն 3 աստղանի է: «Հոլիդեյ Ինն Էքսպրես»-ի շնորհիվ 50 նոր աշխատատեղ է բացվել: Հյուրանոցի հիմնադիր ղեկավար Ղուկաս Գրիգորյանն ասել է. «Այս ներդրումն արել եմ՝ նպատակ ունենալով իմ երեխաներին կապել իրենց հայրենի հողին: Պատրաստ ենք անել մեր երկրորդ քայլը և ունենք արդեն պլանը, որը կքննարկենք նախարարի հետ: Մենք սիրում ենք մեր Հայաստանը և կանենք այն ամենը, ինչը մեզնից է կախված: Ուրախ եմ, որ նոր Հայաստանի առաջին նախագծերն արվում են մեր կողմից»: