Դժվար էր դուրս գալ ակտիվիստի «հագուստից». Դավիթ Սանասարյան
Այսօր՝ փետրվարի 15-ին Դավիթ Սանասարյանը լրագրողների հետ զրույցի ժամանակ ասել է, որ դժվար էր դուրս գալ ակտիվիստի «հագուստից» ու լինել պետական պաշտոնյա:«Պարոն վարչապետի գործելաոճը իմանալով` ես վստահ եմ` այդ հայտարարությունից առաջ կոնկրետ պետական պաշտոնյաների հետ խոսել է։ Ես այդպես չեմ անում, ես տարակուսած եմ, որ լրատվամիջոցներից շատերը միանգամից այդ հայտարարությունը վերագրեցին ինձ: Սկզբում ես էլ եմ ինձ այդ կերպ պահել․ մի քիչ դժվար էր դուրս գալ ակտիվիստի համազգեստից ու լինել պետական պաշտոնյա»,-ասաց Սանասարյանը։ Հիշեցնենք, որ օրերս վարչապետ Փաշինյանը Կառավարության ծրագրի քննարկման ժամանակ հայտարարել էր, որ պետական պաշտոնյա դարձած երբեմնի ընդդիմադիր ակտիվիստներին դեռ թվում է, որ իրենց գործունեության ոլորտը Ֆեյսբուքն է և պետք է գործեն այնպես, ինչպես նախկինում է:
Հետևեք մեզ Viber-ում
