Իմ Քայլն առանձին նիստ անցկացրեց
ԱԺ Իմ Քայլը խմբակցությունը նախքան կառավարության ծրագրի քվեարկությունը նիստ անցկացրեց: Խմբակցության ղեկավար Լիլիթ Մակունցը լրագրողներին ասաց, որ դա մտքերի փոխանակություն էր այն մասին, որ իրենք անվերապահ աջակցում են կառավարության ներկայացրած ծրագրին: «Ծրագիրը մանրամասն քննարկվել է «Իմ քայլը» խմբակցության առանձին մասնագիտական տիրույթներում եւ այդ ընթացքում վերհանվել են տարբեր ասպեկտները, տարբեր կողմերը, այդ թվում եւ այն, թե ինչը տեղ չի գտել կառավարության ծրագրում: Այդ մասով «Իմ քայլը» խմբակցությունը տեսել է իր անելիքը եւ թե մենք, որպես օրենսդիր, ինչ կարող ենք անել եւ ինչպես պետք է լրացնենք դա: Ու այո, այդ առումով մեր անելիքը բավականին շատ է: Միեւնույն ժամանակ ծրագիրը բավականին ընդհանուր է, լայն է, ճկուն է: Եթե մենք գտնում ենք, որ ճանապարհային քարտեզը ձեւավորելիս կա ավել գործողություններ անելու անհրաժեշտություն, ապա այո, մենք այդ առաջարկը ներկայացնելու ենք կառավարությանը»,- ասաց Մակունցը:
Հետևեք մեզ Viber-ում
