Ատոմ Ջանջուղազյանն ընդդիմությանն իր տեղը դրեց (video)
Ֆինանսների նախարար Ատոմ Ջանջուղազյանը լրագրողների հետ զրույցում նաև նշեց, որ համակարծիք չէ ԼՀԿ խմբակցության ղեկավար Էդմոն Մարուքյանի հետ, ըստ որի՝ առանց խորհրդարանական ուժերի հետ նախապես կառավարության ծրագիրը քննարկելու ԱԺ ներկայացնելն անհարգալից վերաբերմունք է խորհրդարանական ուժերի նկատմամբ. «Ստացվել է այնպես, ինչպես ստացվել է, բայց դրանից հետևություն անել, որ արհամարհանք կա, կարծում եմ, առնվազն չափազանցված է: Համենայն դեպս, ես՝ որպես կառավարությունը ներկայացնող, չունեմ որևէ մոտիվացիա ոչ հարգալից կամ արհամարհական վերաբերմունք ունենալ որևէ պատգամավորի նկատմամբ՝ անկախ նրա քաղաքական հայացքներից»,- ասաց նախարարը։ Ինչ վերբերում է ԱԺ-ի կողմից կառավարության ծրագրում փոփոխություններ անելուն, նախարարն ասաց, որ այս դեպքում քաղաքական պատասխանատուն կառավարություն է․ «Հիշենք, որ խոսքը վերաբերում է կառավարության ծրագրին։ Ընդդիմությունն իրավունք չունի փոխել կառավարության ծրագիր, բայց դրա համար պատասխանատու լինի կառավարությունը։ Ծրագրի նկատմամբ վերահսկողության իրավունք ունի, բայց ոչ այն փոխելու»։
Հետևեք մեզ Viber-ում
