«Նիկոլ Փաշինյանը կառավարության ներկայացուցիչներին քողարկված հրահանգ է տվել ՄԻԵԴ-ում պարտվել, որ ապացուցվի, թե նախկիններն ապօրինի են գործել». Հայկ Ալումյան
Ռոբերտ Քոչարյանի փաստաբան Հայկ Ալումյանն այսօր Հայելի ակումբում ասուլիսի ժամանակ հայտարարեց, որ ՀՀ կառավարությունը ՄԻԵԴ-ում շատ վտանգավոր մոտեցում է սկսել ցուցաբերել: Նրա խոսքով՝ փորձ է արվելու ՄԻԵԴ-ի գործերը և դրանց վերաբերյալ ապագայում կայացվելիք վճիռներն օգտագործել քաղաքական նպատակներով. «Նախանշանները կարծես զգացվում են»,- ասաց նա: Ըստ նրա՝ երկրի ղեկավարն ասում է, որ մարդկանց իրավունքները խախտվել են, և սա արդեն իսկ նշանակում է վճիռներն օգտագործել քաղաքական օպոնենտների մեջ: «Սա քողարկված հրահանգ է մեր ներկայացուցիչներին, որոնք պարտավոր են ՄԻԵԴ-ում կառավարության կողմից առարկել դիմումատուների դեմ, փաստորեն, հրահանգվում է գնալ ու ՄԻԵԴ-ում գործերը պարտվել, որ վարչապետն ապացուցի, թե նախկինները ապօրինի են գործել, սա վտանգավոր տենդենց է: Եթե լուրջ հակափաստարկներ չեն ներկայացնում, այլ բան չի մնա, որ ՄԻԵԴ-ը հաստատի, որ մարդկանց իրավունքները խախտվել են, մինչդեռ հնարավոր են այլ կարգի վճիռներ, հիմա մեր կառավարությունը, ըստ այս հրահանգի, չի դիմադրելու, և դրանք բերվելու են ու օգտագործվեն քաղաքական նպատակներով»,-ասաց նա:
Հետևեք մեզ Viber-ում
