Ամեն օր մի որջ ենք քանդում. Արագածոտնի մարզպետը հերքում է
Արագածոտնի մարզպետ Դավիթ Գեւորգյանի մասին լրատվականներից մեկը հոդված էր հրապարակել, ըստ որի՝ նա դարձել է բդեշխ, վատ է վերաբերվում իր ենթականերին, իսկ մարզպետարանը դարձրել է կուսակցական գրասենյակ: Մարզպետ Դավիթ Գեւորգյանը «Ֆեյսբուք»-ի էջում գրել է . «Հերթական սուտ ու զրպարտանք պարունակող <<լրատվականի>> նյութը իմ մասին: Սպասելի էր: Թիմային ամենօրյա աշխատանքի արդյունքում մի որջ ենք քանդում, երկար տարիների խնդիր ենք լուծում, օրենքից դուրս գտնվողներին օրենքի դաշտ ենք բերում ու հերթով ամեն ինչ իր տեղն ենք դնում: Բնական է, որ սա ոմանց դուրը չէր գալու ու այսպիսի անհույս քայլերի պետք է դիմեին: Առաջիկայում այս ապարդյուն ջանքերը կշարունակվեն: Հատկապես այս տեսակին հիշեցնեմ, որ … Բայց իմ կամքը ամուր է քարից էլ, իմ ոգին հանձնվել չգիտի …»:
Հետևեք մեզ Viber-ում
