Ի՞նչ զիջման մասին կարող ենք խոսել․ Ծատրյանը` Սերժ Սարգսյանի հետ հանդիպման մասին․ armtimes.com

Երեկ ԼՂՀ ՊԲ նախկին հրամանատար, Արցախի հերոս Սամվել Բաբայանը «Ազատության» հետ զրույցում հայտարարել էր, որ 2017 թվականին Սերժ Սարգսյանը ամբողջ արցախյան վերնախավին մի դահլիճում էր հավաքել եւ խոսել զիջումների մասին: Բաբայանը նաեւ ասել էր. «Օրինակ, թող Ռազմիկ Պետրոսյանը կամ Արմո Ծատրյանը ասեն, թե ինչի մասին են խոսել»: Արմո Ծատրյանը Արցախի ԱԺ պատգամավոր էր, 2018 թվականի հունիսի 22-ին նա մանդատից հրաժարվելու դիմում էր գրել, քանի որ առողջական խնդիրներ ուներ: «2017 թվականին մենք հանդիպել ենք Սերժ Սարգսյանի հետ, ոչ թե մի անգամ, այլ մի քանի»,- այս մասին մեր զրույցում ասաց Արմո Ծատրյանը: Մեր հարցին, թե ճի՞շտ է, որ հանդիպման ժամանակ խոսվել է Արցախի տարածքների զիջումների մասին, Ծատրյանը պատասխանեց. «Մենք մեր կռուգով հանդիպել ենք, զրուցել, բայց ոչ մի բան չենք որոշել, նման բան չկա»: Մեր հարցին, թե տարածքների զիջման մասին խոսե՞լ են, Ծատրյանը պատասխանեց. «Չէ, ի՞նչ զիջման մասին կարող ենք խոսել»: Շարունակությունը՝ սկզբնաղբյուր կայքում։