«Սասնա ծռերի» աջակիցները որոշում են կայացրել դուրս չգալ նիստերի դահլիճից

«Սասնա ծռեր» կուսակցության ֆեյսբուքյան էջում հայտարարություն է տարածվել. «Սիրելի հայրենակիցներ, դատաիրավական համակարգը շարունակում է գործել նախկին ռեժիմի տրամաբանությամբ։ «Սասնա Ծռեր»-ի դատավարության ընթացքում ոչ միայն նախկին ռեժիմի ծառաներ հանդիսացող ոստիկաններ` Օսիպյանն ու Եղիազարյանը դեմ արտահայտվեցին «Սասնա Ծռեր»-ի համաներմանը, այլև դատարանը որոշում կայացրեց քաղաքացիներին հեռացնել նիստերի դահլիճից։ Քաղաքացիներն ինքնաբուխ որոշում են կայացրել դուրս չգալ նիստերի դահլիճից և բողոք են արտահայտում այդ ապօրինի որոշման դեմ»։