«Ի՞նչը դուր չի գալիս Հայաստանին ԵԱՏՄ-ում». Gazeta
Ռուսական Gazeta պարբերականը հոդված է հրապարակել «Ի՞նչը դուր չի գալիս Հայաստանին ԵԱՏՄ-ում» վերնագրով: Հոդվածում, մասնավորապես, ասվում է, որ ՀՀ վարչապետ Նիկոլ Փաշինյանը նախկինում դեմ էր ԵԱՏՄ-ին Հայաստանի անդամակցությանը, սակայն վարչապետի պաշտոնում փոխեց իր դիրքորոշումը` ավելի մեղմ արտահայտվելով: Ղարաբաղյան հակամարտության կարգավորման հարցում, ինչպես նշում է հոդվածագիրը, «Մոսկվային կարող է դուր չգալ ԱՄՆ-ին ներգրավվելու Փաշինյանի փորձերը՝ ԱՄՆ նախագահ Դոնալդ Թրամփի՝ ազգային անվտանգության հարցերով խորհրդական Ջոն Բոլթոնի և Գերմանիայի կանցլեր Անգելա Մերկելի հայտարարությունների ֆոնին»: «Զարմանալի չէ, որ Մոսկվան զգուշավորություն է ցուցաբերում Հայաստանի նոր առաջնորդի նկատմամբ և համապատասխան ազդանշաններ ուղարկում նրան. հունվարի 25-ին Մոսկվա Փաշինյանի այցի նախաշեմին ՌԴ նախագահի խոսնակը հայտնեց, որ երկու առաջնորդների հանդիպումը չի կայանա ՌԴ նախագահի խիտ գրաֆիկի պատճառով: Սակայն մոտ ապագայում Հայաստանը կմնա Ռուսաստանի գործընկերը՝ ի դեմս ՀՀ «հարմարվող» առաջնորդ Նիկոլ Փաշինյանի»,- եզրափակում է պարբերականը:
Հետևեք մեզ Viber-ում
