Նախագահ Սարգսյանը նոր օգնական ունի

Նախագահ Արմեն Սարգսյանն իր օգնականի պաշտոնում է նշանակել Սաթենիկ Աբգարյանին, ինչի մասին հրամանագիրը հրապարակվել է նախագահի կայքում։ «Հիմք ընդունելով Սահմանադրության 145-րդ հոդվածի 1-ին մասը, ինչպես նաև Հանրապետության նախագահի 2018 թվականի ապրիլի 18-ի ՆՀ-264-Լ հրամանագրի 1-ին կետով հաստատված՝ Հանրապետության նախագահի աշխատակազմի կանոնադրության 13-րդ կետի 3-րդ ենթակետը. Սաթենիկ Աբգարյանին 2019 թվականի փետրվարի 1-ից նշանակել Հանրապետության նախագահի օգնական»,–ասվում է նախագահի հրամանագրում: