Սերժ Սարգսյանի համակարգն իրեն սպառել էր և նա պետք է հեռանար: Նա հեռացավ, սակայն համակարգի հարցը մնաց բաց. ֆեյսբուքյան իր էջում գրել է քաղաքագետ Ստեփան Դանիելյանը։
«Համակարգը կարող է փլուզվել, կարող է փոխակերպվել, երրորդ տարբերակը չկա:
Համակարգն ոչ միայն իշխանությունից է բաղկացած, այլև իշխանության բազմաթիվ ատրիբուտներից, ինչպիսին է, ասենք, ընդդիմությունը:
Սերժ Սարգսյանի համակարգը չի փլուզվել, այն փոխակերպումների` տրանսֆորմացիայի շրջանում է: Իհարկե, նշանային դեմքերը հեռացել են, հեռացվել է նաև ՀՀԿ-ն, որպես նախկինի խորհրդանիշ: Սերժ Սարգսյանն այդ անցումն ապահովել է, ՀՀԿ-ն ոչ թե նոր իշխանության զոհն է, այլ Սերժ Սարգսյանի, սակայն մեր խնդիրն այլ է: Արդյոք իշխանության տրանսֆորմացիան տեղի կունենա, կամ արդյոք կա նոր իշխանության ճարտարապետ, որը կարողանա ապահովել այդ փոխակերպումը` ինստիտուցիոնալ փոխակերպումը:
Ինտուիտիվ կերպով հասարակությունը նման փոխակերպման պահանջը զգում է, նոր իշխանությունը նույնպես զգում է, որ իրենից սպասելիքներ կան, սակայն չգիտի ինչ անել և որոշել են փոխել կառավարության կառուցվածքը, հիմնը, դրոշը, հետո էլի մի բան կփոխեն, սակայն հանրության ինտուիտիվ սպասումները դրանցով չեն բավարարվի:
Իշխանության համար մղվող պայքարը կանոններ չի ունենում ( ընդդիմադիր Փաշինյանը կարող էր խոսել ինչ ասես), սակայն իշխանությունը չի կարող առանց կանոնների ղեկավարել երկիրը: Կրիմինալ հարաբերությումները նույնպես կանոնների վրա է հիմնված, սակայն եթե նոր իշխանությունը մերժում է այդ հարաբերությունները, ապա որոնք են նոր համակարգի սկզբունքները, դեռևս հասկանալի չէ, իսկ առայժմ շարունակենք զբաղվել հիմնով ու դրոշով»,- ասված է նրա գրառման մեջ:
Սեպտեմբերի 11-ին՝ ժամը 12։00-ին, Հայելի ակումբի հյուրն է Արա Վարդանյանը
Սեպտեմբերի 11-ին՝ ժամը 16։30-ին, Հայելի ակումբի հյուրն է թուրքագետ Գառնիկ Դավթյանը
Սեպտեմբերի 11-ին՝ ժամը 14։00-ին, Հայելի ակումբի հյուրն է Հենրիխ Դանիելյանը
Սեպտեմբերի 11-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը
Սեպտեմբերի 10-ին՝ ժամը 13։00-ին, Հայելի ակումբի հյուրն է Ալբերտ Բազեյանը
Սեպտեմբերի 10-ին՝ ժամը 16։30-ին, Հայելի ակումբի հյուրն է մանկավարժներ Հարություն Աբրահամյանը և Գյուլնարա Ալեքսանյանը
Սեպտեմբերի 10-ին՝ ժամը 15։30-ին, Հայելի ակումբի հյուրն է ավագանու անդամ Սամվել Հակոբյանը
Սեպտեմբերի 10-ին՝ ժամը 14։30-ին, Հայելի ակումբի հյուրն է Էլեոնորա Մանադյանը
Սեպտեմբերի 10-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Սեպտեմբերի 10-ին՝ ժամը 15։30-ին, Հայելի ակումբի հյուրն է Սամվել Հակոբյանը
Հետևեք մեզ Viber-ում
