Ուշադրություն ծնողներ. նախարարը նորություն ունի
Կան բազմաթիվ բողոքներ դպրոցական առարկայական ծրագրերի ծանրաբեռնվածության և դասագրքերի ծանրության հետ կապված: Այս մասին, այսօր՝ հունվարի 31-ին, լրագրողների հետ զրույցում նշեց ԿԳ նախարար Արայիկ Հարությունյանը: «Քննարկում ենք, որ դասագրքերը լինեն երկհատոր` առաջին կիսամյակի համար` մի հատոր եւ երկրորդ կիսամյակի համար` մի հատոր»,- ասաց նա: Ըստ նախարարի` ծնողներն ամենաշատը բողոքում են երեխաների ծանրաբեռնվածությունից: «Ծրագրերի անհամապատասխանության հետ կապված, տարբեր առարկաներում նույնաբովանդակ նյութերի մատուցման հետ կապված, նույն եկեղեցու պատմության, հայ ժողպատմության, ռազմագիտության ծրագրերում, նույնիսկ, երգի դասագրքում կրկնություններ կան: Որպեսզի թեթեւացնենք»,- ասաց նա: Նախարարը նշեց, որ նախատեսվում է մինչեւ 2023 թվականը ներդնել լրիվ նոր առարկայացանկ: «Ես զարմանում եմ, որ Դուք այս հարցը տասը անգամ տալիս եք: Ես Ազգային Ժողովի բարձր ամբիոնից ասել եմ, որ բոլոր առարկաները վերանայվելու են»,- ասաց նա:
Հետևեք մեզ Viber-ում
