Պարոն փոխնախարարիկ, միգուցե խորհուրդ տայիր բանակից էլ հոգևորականներին հանեին. խելքի՛ եկեք դու և քեզ պես մտածողները

Օրեր առաջ ԿԳ նախարար Արայիկ Հարությունյանը Արարատի մարզի Այգեստան համայնքի դպրոցներից մեկում անվայել կերպով խոսել էր հոգեւորականի հետ, դիտողություն արել, թե վերջինս ինչ գործ ունիդպրոցում եւ դուրս հրավիրել: Արարատյան Հայրապետական թեմի Արարատի մարզի Դալար գյուղի Սուրբ Մարիամ Աստվածածին եկեղեցու հոգեւոր հովիվ Արժանապատիվ Տեր Եփրեմ քահանա Հարությունյանը անդրադարձել է  Արարատի մարզի Այգեստան գյուղի դպրոցում կրթության եւ գիտության նախարար Արայիկ Հարությունյանի եւ համայնքի հոգեւոր հովվի միջեւ տեղի ունեցած տհաճ միջադեպին. «Այս անգամ իր իշխանական գործընկերոջ պահվածքն արդարացնելու եւ վերջինիս սատարելու համար դատարկախոսության եւ անմտության էստաֆետը ստանձնել է ՀՀ մշակույթի փոխնախարար՝ մի կրտսեր «իշխանիկ» Տիգրան Գալստյանը՝ բարբաջելով, մեջբերում եմ .«պատկերացրեք՝ դպրոցում տեսնեք զինվորական համազգեստով, զինված ֆիդայի, հարցնեք, թե ինչո՞ւ է դպրոցում, իսկ նա սկսի ձեզ նախատել՝ պատմելով հայդուկյան շարժման հայապահպան լինելու կարեւորության մասին։ Հայաստանի Հանրապետությունում ամենաթողության իրավունք ոչ ոք չունի...»։ Փաստորեն, հերթը հասավ նաեւ զինվորականներին։ Հոգեւորականը եւ զինվորականը մեր դպրոցներ մտնելու եւ հայապահպանության գաղափարներ քարոզելու իրավունք չունեն իշխանական էշելոններ սպրդած, ըստ մեր որոշ խեղկատակ պաշտոնյաների»։ Եզրափակելով խոսքը` Տեր հայրն ընդգծում է. «Ես խորհուրդ կտայի այդ փոխնախարարիկին հեռացնել իրենից Մեծն Տիգրանի փառահեղ անունը եւ իր անձնագրում հիշատակվեր օտար Վասյա, Միշել, Ջորջ կամ այլ անունով, Ջորջի կողքին էլ Գալստյանի փոխարեն Սորոսը կսազեր։ Էս ու՞ր եք ուզում տանել մեր ազգին...Միգուցե խորհուրդ տայիր պարոն փոխնախարարիկ բանակից էլ հոգեւորականներին դուրս հանեին՝ կազմալուծելով Ազգ-Բանակ-Եկեղեցի այս հզոր եռամիությունը։ Խելքի՛ եկեք «պարոն» Գալստյան, ե՛ւ դու, ե՛ւ քեզ պես մտածողները... քանի դեռ ուշ չէ»։