ՀՀ ֆինանսների նախարարի աշխատավարձն աճել է մոտ 10 տոկոսով

ՀՀ ֆինանսների նախարար Ատոմ Ջանջուղազյանի աշխատանքի վարձատրությունը 2017-ի համեմատ աճել է մոտ 10 տոկոսով: Այս մասին լրագրողների հետ ճեպազրույցում հայտնեց նախարար Ջանջուղազյանը: «Նախարարությունում կրտսեր մասնագետից մինչ նախարար, բոլորի վարձատրությունը համամասնորեն աճել է: Իմ աշխատանքի վարձատրությունը 2017-ի համեմատ աճել է մոտ 10 տոկոսով: Եվ ես կարծում եմ, որ իմ պատասխանատվությունը նախորդ տարվա համեմատ ևս 10 տոկոսով աճել է»,-ասաց նախարարը: Նրան զարմացնում է, թե ինչու են նոր ուշադրություն դարձնում պարգևավճար երևույթի վրա. «Մոտավորապես 20 տարի՝ 1998 թ-ից սկսած, ֆինանսների նախարարության աշխատակազմի համար պարգևատրման տող կա նախատեսված օրենքում, մի անգամ նայե՞լ եք այդ տողին։ Լավ է, որ գոնե հիմա տեսել եք, որ պարգևատրման համար նախատեսված տող կա, որի շրջանում որոշակի տրամաբանությամբ բաշխվել է»,- նշեց Ջանջուղազյանը։