«Ռոբերտ Քոչարյանի որդին և դուստրը տեսակցել են նրան, համակարգչի հարցը լուծված չէ». Արամ Օրբելյան
«Ռոբերտ Քոչարյանի խափանման միջոցի հարցով դատական նիստն ընդմիջվեց տեխնիկական պատճառներով, մինչև հիմա պարզեցինք, որ գործի մակագրությունը կատարվել է էլեկտրոնային եղանակով, ապացույցները ներկայացվեցին, նաև ներկայացվել էր երկրորդ բողոքը»,- դուրս գալով դատարանի դահլիճից՝ լրագրողների հետ զրույցում ասաց ՀՀ երկրորդ նախագահի պաշտպան Արամ Օրբելյանը: «Տեսակցության հարցը որոշակիորեն լուծվել է՝ որդին և դուստրը երկու անգամ այցելել են: Համակարգչի հարցը դեռ չի լուծվել: Նշել ենք, որ կարող ենք ներկայացնել այնպիսինը, որն օբյեկտիվորեն չունենա համացանցի, հեռախոսի մուտքի հնարավորություն, բայց հարցը ենթադրում է ենթաօրենսդրական ակտերի փոփոխություն»,- հավելեց նա: Դատական նիստից առաջ էլ պաշտպան Ռուբեն Սահակյանն ասաց «ՀՀ նախագահն անձեռնմխելի է և այն նորմը, որով նրան մեղադրանք են առաջադրել, տեղին չէ. այդ նորմով նրան մեղադրանք առաջադրել չի կարելի, հիմնավոր կասկածը բացակայում է և ընդհանրապես դա փաստաթուղթ չի, որը կայացվել է դատարանի կողմից և միջնորդությունը, որը ներկայացվել է դատարան: Մենք պահանջում ենք, որպեսզի Ռոբերտ Քոչարյանն ազատ արձակվի»:
Հետևեք մեզ Viber-ում
