Նիկոլ Փաշինյանը իր կաբինետը ձեւավորել է օրենքի խախտմամբ

Ուղիղ մեկ շաբաթ առաջ Արմեն Սարգսյանը Նիկոլ Փաշինյանի առաջարկությամբ 12 նախարար նշանակեց եւ հայտարարվեց, որ կառավարությունը ձեւավորված է: Նիկոլ Փաշինյանը հայտարարեց, որ կառավարության անդամների 1/3-ը չի նշանակվի, քանի որ սպասվում են նախարարությունների կրճատումներ և օպտիմալացում: Այսպիսով Փաշինյանը իր կաբինետը ձեւավորեց օրնքի խախտմամբ: Խնդիրն այն է, որ Սահմանադրության 150-րդ հոդվածն ասում է, որ վարչապետը պետք է նախագահին առաջարկի թեկնածուներ նշանակել, իսկ կառավարության կազմը ձևավորված է, եթե նշանակվել են երկու երրորդը։ Մինչդեռ մենք տեսանք որ վարչապետը բացի 12 նախարարների եւ երկու փոխվարչապետերի թեկնածություններից այլ գերատեսչությունների ղեկավար պաշտոններում թեկնածուներ չէր ներկայացրել նախագահին: Ըստ օրենքի՝ վարչապետը իր նշանակման հնգօրյա ժամկետում պետք է առաջարկի բոլոր նախարարների ու փոխվարչապետների թեկնածուներին, իսկ կախված որոշակի հանգամանքներից՝ կառավարության անդամների մի մասի նշանակումը կարող է ձգձգվել: Հենց այդպիսի իրավիճակում հստակության համար էլ սահմանված է, որ երբ երկու երրորդը նշանակված են, ապա կառավարությունը համարվում է ձևավորված: Կառավարության կազմավորումը սահմանված է Սահմանադրության 150-րդ, ինչպես նաև «Կառավարության կառուցվածքի և գործունեության մասին» օրենքի 3-րդ հոդվածներով: Ըստ ՀՀ Սահմանադրության, «Կառավարությունը ձևավորվում է վարչապետի նշանակվելուց հետո 15-օրյա ժամկետում։ Իր նշանակումից հետո վարչապետը հնգօրյա ժամկետում հանրապետության նախագահին առաջարկում է փոխվարչապետների և նախարարների թեկնածուներին, իսկ նախագահը եռօրյա ժամկետում կա՛մ նշանակում է առաջարկված թեկնածուներին, կա՛մ դիմում է Սահմանադրական դատարան: Դրանից հետո Սահմանադրական դատարանը քննում է դիմումը և որոշում է կայացնում հնգօրյա ժամկետում: Եթե հանրապետության նախագահը եռօրյա ժամկետում չի կատարում վերոնշյալ հոդվածով սահմանված պահանջները, ապա համապատասխան փոխվարչապետը կամ նախարարը նշանակված է համարվում իրավունքի ուժով»: Սահմանադրությունը հստակ ամրագրում է, որ իր նշանակումից հետո վարչապետը 5-օրյա ժամկետում պարտավոր է նախագահին ներկայացնել բոլոր փոխվարչապետների և նախարարների թեկնածուներին: Նույնը ամրագրված է «Կառավարության կառուցվածքի և գործունեության մասին» օրենքի 3-րդ հոդվածով: Նույն հոդվածում նշվում է, որ կառավարությունը համարվում է : Թվում է, թե սա փոքրիկ հարց է, մանրուք եւ քննարկման ոչ արժանի հարց, իրականում, սա ցույց է տալիս Փաշինյանի թիմի սնանկությունը: Չկա մի պաշտոնյա՝ վարչապետից սկսած արդարադատության նախարարից վերջացրած, որը պրոֆեսիոնալ է, որը չի ոտնահարում Մայր օրենքը, որն ի վերջո վեր է դըմ-դըմփ-հու-ի մակարդակից: Անի Սահակյան