«Ես որ հացադուլի խցում էի, պատմեցին որ մեկը էլի մահացավ». Հայկ Կյուրեղյան

Կենտրոն և Նորք-Մարաշ վարչական շրջանների ընդհանուր իրավասության դատարանի դիմաց օդամղիչ ատրճանակից կրակոցներ արձակած և 9 տարվա ազատազրկման դատապարտված Հայկ Կյուրեղյանն, ով պատիժը կրում է բաց ռեժիմում, ֆեյսբուքյան իր էջում դիմել է վարչապետ Նիկոլ Փաշինյանին. «Մարդը հացադուլում մահացել, ոչ մի բան չեն արել, ես որ հացադուլի խցում էի, պատմեցին որ մեկը էլի մահացավ՝ իմ խուց մտնելուց մոտ մի ամիս առաջ։ Ու երբ տղերքը ասում էին իրան. «Արդեն շատ ես հյուծվել դադարացրու, կմեռնես»։ Ասում են ասում էր.«ոչինչ թող մեռնեմ բայց միբան կփոխվի ես երկրում, գոնե հացադուլավորների պահանջներին կսկսեն լուրջ վերաբերվել»։ Մարդը մեռավ, ու հիմա էլ մեկ ուրիշը։ Նիկոլին ընտրողնե՛ր, պահանջեք ձեր վարչապետից նոր Հայաստան... ՄԻ թույլ տվեք բոլորիդ ձեռքով արած փոփոխությունը սաբոտաժ լինի»: Գրել է Հայկ Կյուրեղյանը