«Ենոքյանի կինը՝ Զարուհի Մեջլումյանը նույնպես նրա զոհն է». Ելենա Աղաջանովա
Աղաջանովների ընտանիքը պատրաստվում է դատի տալ լրագրող, իրավաբան Զարուհի Մեջլումյանին՝ իրենց ընտանիքին զրպարտելու համար: Այս մասին այսօր լրագրողների հետ զրույցում ասաց սպանված Իոսիֆ Աղաջանովի քույրը՝ Ելենա Աղաջանովան։ «Ի՞նչ շահ կարող է ունենալ այս աղջիկը, որ այսպես բեմ է հանում գործը: Մենք հասկացանք, որ նա մարդասպան Մհեր Ենոքյանի կինն է, և նա դասավորեց իր անձնական կյանքը: Ստացվում է, որ նա պաշտպանում է իր հարազատին, և խախտում է լրագրողական և իրավաբանության էթիկան»,-ասաց Ելենա Աղաջանովան` հավելելով, որ ցմահ ազատազրկման դատապարտված Մհեր Ենոքյանը փսիխոպատ է: «Մենք պահանջում ենք, որ նա դատահոգեբուժական փորձաքննության ենթարկվի։ Ես կարող եմ ասել, որ նրա կինը՝ Զարուհի Մեջլումյանը նույնպես նրա զոհն է»,-նշեց Աղաջանովան:
Հետևեք մեզ Viber-ում
