Խոշոր ավտովթար Երևանում. 45-ամյա վարորդը Opel-ով բախվել է գերեզմանի բազալտե հատվածին և գլխիվայր շրջվել. ՖՈՏՈՌԵՊՈՐՏԱԺ

Այսօր՝ հունվարի 22-ին, խոշոր ավտովթար է տեղի ունեցել Երևանում։ Ժամը 12։05-ի սահմաններում Երևանի բնակիչ՝ 44-ամյա Գրիգոր Ղևոնդյանը իր վարած Opel Astra մակնիշի 35 ՍC 504 համաարնիշի ավտոմեքենայով Դավիթ Բեկի փողոցում դուրս է եկել ճանապարհի երթևեկելի գոտուց, բախվել գերեզմանի բազալտե հատվածին և գլխիվայր շրջվելով՝ հայտնվել ճանապարհի մեջտեղում։ Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով զոհեր և վիրավորներ չկան։ Օպերատիվորեն դեպքի վայր են ժամանել արտակարգ իրավիճակների նախարարության փրկարար ծառայության թիվ 3 հրեջ-փրկարարակամ ջոկատը՝ 1 մարտական հաշվարկով։ Փրկարարները հոսանքազրկել են ավտոմեքենան, փակել գազաբալոնն ու սահմանազատել տարածքը։ Օպերատիվորեն ժամանել են նաև Երևանի 1-03 շտապօգնության բժիշկների հերթապահ խումբը, սակայն վարորդն ու ավտոմեքենայում գտնվող ուղևորները հրաժարվել են բժշկական օգնությունից՝ հայտնելով, որ իրենք վնասվածքներ չեն կրել։ Դեպքի վայր են ժամանել նաև Ճանապարհային Ոստիկանության 1-ին սպայական գումարտակի 4-րդ դասակի ավագ տեսուչ Արմեն Գալստյանն ու տեսուչ Մարատ Մկրտչյանը։ Փաստի առթիվ ավագ տեսուչի կողմից նյութեր են նախապատրաստվում։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Գագիկ Շամշյանի