Ինչ պատահեց Լուկաշենկոյին
«Հայաստանը եղել և մնում է Բելառուսի հուսալի գործընկերը»,- այս մասին հայտարարել է Բելառուսի նախագահ Ալեքսանդր Լուկաշենկոն, ով այսօր ընդունել է արտասահմանյան պետությունների դեսպանների, այդ թվում՝ Բելառուսում ՀՀ դեսպան Արմեն Ղևոնդյանի, հավատարմագրերը: Այս մասին ասվում է Բելառուսի նախագահի կայքում: «Հայաստանը եղել և մնում է Բելառուսի հուսալի գործընկերը, ում հետ մեզ կապում է բազմակողմանի համագործակցությունը, այդ թվում հիմնական միություններում՝ ԵԱՏՄ-ում և ՀԱՊԿ-ում: Մինսկը մտադիր է ընդլայնել հայ-բելառուսական առևտրատնտեսական հարաբերություններն ու պատրաստ է մասնակցել հայ եղբայրներին ու ընկերներին հետաքրքրող ցանկացած նախագծի, այդ թվում` ՀՀ տարածքում»,- ասել է Լուկաշենկոն: Հիշեցնենք, որ Հայաստանի և Բելառուսի ջանքերով Հավաքական անվտանգության պայմանագրի կազմակերպության (ՀԱՊԿ) նոր գլխավոր քարտուղար նշանակելու կադրային հարցը վերածվել է դիտարժան մենամարտի, ստեղծվել էր լարված մթնոլորտ, անգամ ծաղրաքի դրսևորում:
Հետևեք մեզ Viber-ում
