Մանվել Գրիգորյանը դատի կտա՞ Հայաստանին
Դատարանի կողմից Մանվել Գրիգորյանի կալանքի, ապա կալանքից ազատման հարցը կարող էր հասնել Մարդու իրավունքների եվրոպական դատարան, սակայն ինքը` Գրիգորյանը, հրաժարվել է դիմել,այս մասին լրագրողներին ասաց Մանվել Գրիգորյանի պաշտպաններից Լևոն Բաղդասարյանը: Գրիգորյանին չէին կարող կալանավորել միայն քննիչների ենթադրության հիմքով, թե նա կարող էր հանցագործություն կատարել։ Հենց այդ խախտման հիմքի վրա, ըստ պաշտպանի, իրենք կարող էին դիմել ՄԻԵԴ, բայց չեն դիմել,ասաց պաշտպանը: Հարցին, թե ինչո՞ւ է Գրիգորյանը հրաժարվել ՄԻԵԴ դիմելուց, պաշտպանը պատասխանեց, որ Գրիգորյանը չի ցանկացել «դատի տալ Հայաստանին»։ Նրա խոսքով` այդ մասին խոսակցությունները եղել են ամիսներ առաջ, ու դրանից հետո Գրիգորյանի հետ այդ թեմայով էլ չեն խոսել։
Հետևեք մեզ Viber-ում
