Կառավարող ուժը կներգրավի բացառապես այդ գործով զբաղվող մարդկանց
Կառավարող ուժը Հայաստանում հանձնառություն ունի` դիվանագիտական համակարգում ներգրավելու այնպիսի մարդկանց, որոնք բացառապես զբաղված կլինեն դիվանագիտական աշխատանքով: «Արմենպրես»-ի հաղորդմամբ` այս մասին լրագրողների հետ զրույցում հայտնեց Ազգային ժողովի իշխանական «Իմ քայլը» խմբակցության պատգամավոր, ԱԺ փոխնախագահ Լենա Նազարյանը: Նա, անդրադառնալով ավելի վաղ «Լուսավոր Հայաստան» խմբակցության պատգամավորներից մեկի` նախկինում նշանակված և ներկայում գործող դեսպանների վերաբերյալ դիտակումներին, նշեց, որ դիվանագիտական գործունեության հետ կապված նախկինում իսկապես եղել են խնդիրներ: «Սակայն նոր կառավարող ուժի կողմից կա հանձնառություն` այդ համակարգում ներգրավելու այնպիսի մարդկանց, որոնք բացառապես զբաղված կլինեն դիվանագիտական աշխատանքով, այլ ոչ թե այլ գործունեությամբ, ինչպես որոշ դիվանագետների դեպքում եղել են նախկինում»,-ասաց Նազարյանը: ԱԺ փոխնախագահը նաև նշեց, որ եթե դեսպանների ծավալած գործունեության հետ կապված լինեն փաստեր, ապա իրավապահ մարմինները կզբաղվեն դրանով:
Հետևեք մեզ Viber-ում
