Գդանսկի քաղաքապետին ելույթի ժամանակ դանակահարել են/տեսանյութ/

TVN24 հեռուստաալիքի փոխանցմամբ,  Լեհաստանի Գդանսկ քաղաքի կենտրոնում կազմակերպված բարեգործական համերգի ժամանակ  քաղաքապետ Պավել Ադամովիչին դանակահարել են ելույթի ժամանակ: Բեմին է մոտեցել մի երիտասարդ, մեղադրել քաղաքապետին ու նրա թիմին՝ իրեն անօրինական դատապարտելու համար, սկսված քաշքշուկի ընթացքում էլ նա դանակի մի քանի հարված է հասցրել քաղաքապետին: Բժիշկները մեծ դժվարությամբ են կարողացել փրկել Ադամովիչի կյանքը, հայտնի է, որ վիրահատությունից հետո էլ վիճակը ծայրահեղ ծանր է: Դանակահարող 27-ամյա երիտասարդին ձերբակալել են, վերջինս հայտնել է, որ այդ քայլին է դիմել վրեժից դրդված, քանի որ Ադամովիչի քաղաքական ուժի իշխանության ժամանակ ինքը դատապարտվել է, այնուհետ բանտում ենթարկվել խոշտանգումների: Գդանսկում 4 բանկ կողոպտելու համար դատարանը տարիներ առաջ նրան 5,5 տարվա ազատազրկման էր դատապարտել: