Ինչո՞վ է այսուհետ զբաղվելու Արփինե Հովհաննիսյանը
Արփինե Հովհաննիսյանն այսուհետ զբաղվելու է մասնագիտական գործունեությամբ: Ինչպես տեղեկացրել է` ՀՀ արդարադատության նախկին նախարար Դավիթ Հարությունյանի հետ իրավաբանական գրասենյակ են հիմնել: «Ուզում եմ ասել, որ ես տարիներ առաջ փաստաբանական գործունեությամբ զբաղվելու քննություն եմ հանձնել և լիցնեզիաս չեմ վերցրել, այդ գործունեությամբ հավանաբար ևս կզբաղվեմ, գումարած դրան՝ հանրային քաղաքականության մեջ մնալու ձևաչափի համար որոշ նախագծեր կան, բայց հիմա շատ փակագծեր չեմ բացի, կարող եմ ձեզ խոստանալ, որ հանրային քաղաքականությունից և ձեր հետ շփումներից չեմ խուսափելու»,–ասել է նա։ Հարցին՝ թե չի արտագաղթելու, Արփինե Հովհաննիսյանը տեղեկացրել է, որ ոչ չի արտագաղթելու, Հայաստանի Հանրապետությունն իր հայրենիքն է և ինքը շարունակելու է այստեղ գործունեություն ծավալել: Ինչ վերաբերում է նոր խորհրդարանի գործունեությանը՝ Հովհաննիսյանը չի ցանկացել քաղաքական գնահատականներ տալ, միայն ասել է, որ պատգամավորները կգիտակցեն իրենց վրա դրված բեռը ու հասարակության նկատմամբ ունեցած պատասխանատվությունը:
Հետևեք մեզ Viber-ում
