Նիկոլ Փաշինյանը համագործակցում է Սերժ Սարգսյանի հետ,վերջինս չի հեռացել. Փոստանջյան
Զարուհի Փոստանջյանը լրագրողների հետ զրույցում հայտարարեց,որ Դդատարանները շարունակում են մնալ գործադիր իշխանության ճնշման տակ, շարունակում են կատարել գործադիր իշխանության պատվերները: Հարցին, թե ինչ պետք է արվեր, որ չի արվել, Փոստանջյանը նշել է, որ առաջին հերթին պետք է կատարվեր գաղտնազերծում, լյուստրացիա. «Նույն դատավորները, քառորդ դարի ընթացքում ծառայելով ռեժիմին, ունեն իրենց մասին թղթապանակներ, որոնք պահվել են Սերժ Սարգսյանի օրոք: Իսկ հիմա էլ Սերժ Սարգսյանը հեռացված չէ: Օրինակ երեկ ես պետք է ներկա լինելի դատական նիստի: Ես հաղորդում եմ ներկայացրել հանցագործության մասին՝ Սերժ Սարգսյանի և ՀՀԿ-ի կողմի ապօրինությունների վերաբերյալ: Այդ նիստը տեղի չունեցավ: Հիմա մենք հասկանում ենք, որ Սերժ Սարգսյանը դեռ շարունակում է մնալ որպես իշխանություն, որովհետև թղթապանակներն իր ձեռքում են: Իսկ Նիկոլ Փաշինյանը շարունակում է համագործակցել Սերժ Սարգսյանի հետ: Սերժ Սարգսյանի խոսքերը, որ Նիկոլը ճիշտ էր, ինքը՝ սխալ, հենց այդ համագործակցության մասին է խոսում: Մեր երկրում փաստացի իշխանությունը գտնվում է այդ մարդկանց ձեռքում»:
Հետևեք մեզ Viber-ում
