Նոր իշխանությունը նպաստում է AWI բիզնեսին

Հրապարակը գրում է. Նիկոլ Փաշինյանի անուղղակի գովազդից հետո նոր իշխանության շրջանում մոդայիկ է դարձել միմյանց հայկական արտադրության AWI ֆիրմայի ժամացույց նվիրելը։ Օրինակ՝ «Իմ Քայլը» դաշինքի պատգամավոր Ալեն Սիմոնյանը իր ծննդյան կապակցությամբ մի քանի AWI ժամացույց է ստացել։ Հիշեցնենք, որ ամիսներ առաջ ակտիվ հանրության քննարկման օրակարգում էր հայտնվել Նիկոլ Փաշինյանի ժամացույցը։ Տարածելով վարչապետի ժամացույցի լուսանկարը՝ ոմանք կշտամբում էին, թե իբր նա 50.000 դոլարանոց Franck Muller ժամացույց է կրում։ Սակայն Փաշինյանը պարզաբանեց, որ ինքը կրում է հայկական արտադրության AWI ժամացույց, որը հետո պարզվեց՝ արժե 105.000 դրամ։ Ի դեպ, այս ֆիրմայի ժամացույցների գները տատանվում է 20-300 հազար դրամի սահմաններում։ Նշված ընկերությունից հրաժարվեցին մեզ հայտնել՝ վերջին ամիսների ընթացքում արդյոք մեծացել է իրենց ապրանքի վաճառքի ծավալները՝ նշելով, որ ընկերությունը չի ցանկանում կոմերցիոն գաղտնիքներ հրապարակել։