Ղազախստանում ընդդեմ հայերի բողոքի ակցիա են անցկացրել (տեսանյութ)
Այսօր՝ հունվարի 6-ին, Ղազախստանի Կարագանդա քաղաքում տասնյակ մարդիկ փողոց են դուրս եկել: Բողոքի ակցիան անցկացվել է տեղի ռեստորաններից մեկում ամանորյա գիշերը հայերի մասնակցությամբ տեղի ունեցած սպանության ֆոնին, հաղորդում է «Ազատության» ղազախստանյան ծառայությունը: «Ինչո՞ւ տեղի ունեցավ սպանությունը», «Պահանջում ենք հետաքննություն անցկացնել», վանկարկել են նրանք: Ղազախստանյան լրատվամիջոցների տեղեկություններով՝ փողոցներում հատուկ տեխնիկա և ոստիկանական ուժեր են տեղակայվել: Նշենք, որ Ղազախստանի Կարագանդա քաղաքի «Հին Հռոմ» ռեստորանի մոտ 23-ամյա երիտասարդ է սպանվել։ Կասկածյալ Նարեկ Գուրուրյանի (ծնված 1997թ.) նկատմամբ հանրապետական հետախուզում է հայտարարվել։ Եվս 3 ձերբակալվածների՝ Մալխասյան Թորգոմի, Մալխասյան Սոխակի և Նադիրբեկով Քայիրի նկատմամբ որպես խափանման միջոց ընտրվել է կալանքը:
Հետևեք մեզ Viber-ում
