Վրաստանը նոր ռեկորդ է սահմանում

Վրաստանը նոր ռեկորդ սահմանեց: 2018-ին երկիր է ժամանել ավելի քան 8,6 միլիոն զբոսաշրջիկ, ինչը 9,6 տոկոսով ավելի է 2017-ի ցուցանիշից:  Այս թվերը ներկայացրել են Վրաստանի վարչապետ Մամուկա Բախտաձեն եւ էկոնոմիկայի ու կայուն զարգացման նախարար Գեորգի Քոբուլիան: Ինչպես հայտնել են` 2018թ. նկատվել է կորեացի, չինացի, բելառուսցի, քուվեյթցի, ղազախ եւ ամերիկացի զբոսաշրջիկների կտրուկ աճ: Միայն 2018-ի առաջին տասնմեկ ամիսների տվյալներով Վրաստանը զբոսաշրջությունից ստացել է ավելի քան երեք միլիարդի օգուտ: