Վրաստանում խոզի գրիպի հետևանքով վեց մարդ է մահացել

Վերջին ամսվա ընթացքում Վրաստանում խոզի գրիպի հետևանքով վեց մարդ է մահացել: Այս մասին հաղորդում է «ՌԻԱ Նովոստի»-ն՝ վկայակոչելով Հիվանդությունների վերահսկողության կենտրոնի ղեկավար Ամիրան Գամկրելիձեին: Գամկրելիձեի խոսքով՝ տվյալ պահին լաբորատոր պայմաններում մարդկանց շրջանում խոզի գրիպի 144 դեպք է գրանցվել: Նրանցից վեցը մահացել են: Նա ընդգծել է, որ երկիրը հեռու է համաճարակի գագաթնակետից, որը գրանցվում է 100 հազար բնակչի շրջանում 500 վարակված մարդու պարագայում: Այժմ այդքան բնակչի շրջանում վարակի 227 դեպք է գրանցվել: Նյութերը մասնակի կամ ամբողջությամբ մեջբերելիս ակտիվ` հիպերլինքով հղումը Ankakh.com-ին պարտադիր է: