Գրականության Նոբելյան մրցանակի դափնեկիր Իմրե Կերտեսը մահացել է

Theguardian-ը հաղորդում է,որ  86 տարեկան հասակում երկարատև հիվանդությունից հետո մահացել է 2002 թվականի գրականության Նոբելյան մրցանակի դափնեկիր Իմրե Կերտեսը: Հրեական ծագմամբ հունգարացի Կերտեսը1944-1945 թվականներին եղել է Աուշվիցի և Բուխենվալդի համակենտրոնացման ճամբարների դատապարտյալ։ 1975 թվականին Կերտեսը գրել է "Առանց ճակատագրի" անվանումով առաջին վեպը, այն, սակայն, սառն ընդունելության է արժանացել քննադատների կողմից: 1988 թվականին նա գրել է երկրորդ՝ "Ֆիասկո" վեպը, եռապատման վերջին մասը դարձել է "Կադեշ չծնված երեխայի համար" վեպը։