Փաշինյանը Պուտինի հետ հանդիպման մասին

«Այսօրվա քննարկումը վերաբերվում էր մեր հարաբերությունների հետագա զարգացմանը։ Մենք ունենք լիակատար ըմբռնում թե ինչպիսի ռազմավարական ուղղություն պետք է ունենա մեր երկու երկրների հարաբերությունների զարգացումը»,- ֆեյսբուքի իր էջում ուղիղ հեռարձակման ժամանակ նշեց Նիկոլ Փաշինյանը։ ՌԴ նախագահ Վլադիմիր Պուտինի հետ ունեցած հանդիպման ժամանակ, վարչապետի խոսքով Արցախի հարցի կարգավորման մասին քննարկում չի եղել: Փաշինյանը նշեց նաև, որ Հայաստանին մատակարարվող գազի գնի վերաբերյալ վերջնական որոշում չկա․ «Գազի գնի թեմայի վերաբերյալ քննարկումները կշարունակվեն: Իհարկե, արձանագրվեց, որ երկկողմ հարաբերությունների համար դա չափազանց զգայուն թեմա է: Եվ դա գիտակցում են թե՛ Հայաստանում, թե՛ Ռուսաստանում: Ես լավատեսորեն եմ տրամադրված այս թեմայի շուրջ և հույս ունեմ, որ այստեղ նույնպես մեզ համար ցանկալի զարգացումներ կլինեն կամ առնավազն անցանկալի զարգացումներ չեն լինի»: