««Ելք»-ի 55 հազար դրամի շնորհիվ դուք դարձաք քաղաքապետ»․ Անի Խաչատրյանը` Մարությանին

Այսօր Հայկ Մարությանը տրանսպորտային նոր ցանցի ներդրման քննարկմանը հայտարարել էր. «Այն ժամանակ 55 հազար դրամ աշխատավարձ եք ստացել, եղել եք անցած ավագանու անդամներ և ոչ մի բան չեք արել, այսօր ունենք պրոբլեմատիկ զեկույց: Դուք որ ավելի շատ ու ճիշտ աշխատեիք բրիտանական ընկերության հետ, միգուցե այսօր կարողանայինք տրանսպորտային նոր ցանցի ներդրման գործընթացն սկսել»: Ի պատասխան «Լույս» խմբակցության ավագանու անդամ Անի Խաչատրյանը՝ անդրադառնալով քաղաքապետի  կատարած հայտարարությանը, նշեց. ««Ելք» խմբակցությունը, ձեր ասած, 55 հազար դրամով պոլիկլինիկաների կոռուպցիոն կծիկների բացահայտում է արել, կարող ենք տալ բազում վերելակների վերանորոգում, ապօրինի շինություններ կան բազում, որ 55 հազար դրամով մենք թույլ չենք տվել, որ կառուցվեն, բազում ծառեր, որոնք թույլ չենք տվել, որ կտրվեն: Եվ վերջապես, «Ելք» խմբակցության 55 հազար դրամի շնորհիվ այսօր երկրում եղել է հեղափոխություն, որի շնորհիվ դարձել եք քաղաքապետ»: