Դիրքային փոփոխությունները նոր գործընթացի սկզիբ են. Ժիրայր Սեֆիլյան

«Սասնա Ծռեր» կուսակցության պատվավոր անդամ Ժիրայր Սեֆիլյանը նշել է, որ Արցախում փոփոխություններն անհրաժեշտութուն են։ «ՊԲ ղեկավարի հեռացումը կուզեի, որ պատճառը լիներ նախորդ տարիների թերությունները կրելու հետևանք։ Պետք է տեղի ունենա արմատական փոփոխություն, հորդորում եմ, որ Արցախում սկսվի քաղաքական արմատական փոփոխություն»,- ասել է Սեֆիլյանը։ Խոսելով` Նախիջևանի դիրքային փոփոխություններից` նշել է, որ դրանք նոր գործընթացի սկիզբ են, որոնք պետք է կանխել: «Արցախում ականատես ենք եղել, թե ինչպես է տարիների ընթացքում հակառակորդն իր դիրքերը մոտեցրել, նույն գործընթացը, դժբախտաբար, սկսվել է Նախիջևանում: Մեր ղեկավարությունը, իմ համոզմամբ, համարժեք քայլեր չի կատարում կանխարգելելու այդ գործողությունները: Նախիջևանի ճակատում միահամուռ գործելու դեպքում ամեն ինչ կարելի է հանգիստ կանխել: Նորից եմ ասում՝ այս գործընթացը շարունակվելու է, ուստի մերոնք համարձակ պիտի լինեն ու կանխարգելեն հակառակորդի քայլերը, մասնավորապես, այն հատվածներում, որտեղ հակառակորդը դրանց ձեռքբերումով շատ մեծ նշանակության ճանապարհներ հսկելու հնարավորություն է ունենում», -պնդել է նա: