Ռոնալդուն վաճառում է Իսպանիայի իր տները

Մադրիդի «Ռեալ»-ի հարձակվող Քրիշտիանու Ռոնալդուն վաճառքի է հանել երկու տուն` Իսպանիայում: Մեկում բնակվում է ինքը, երկրորդում` մայրը: Այդ մասին հայտնում է Marca-ն: Ենթադրվում է, որ իրադարձությունը, հավանաբար, կապված է ֆուտբոլիստի` «արքայական ակումբ»-ը լքելու ցանկության հետ: Չնայած Ռոնալդուն կարող էր պարզապես բնակվել նոր վայրում: Իր ներկայիս տունը ֆուտբոլիստը գնել է 2010 թվականին 4.9 մլն եվրոյով: Այժմ նա վաճառում է այն 5 մլն եվրոյով: Շքեղ տանը կա 7 ննջասենյակ, 9 լոգարան, 8 զուգարան, վերելակ, լողավազաններ, կինոթատրոն և մարզասրահ: Ռոնալդուի մոր տան դիմաց պահանջում են 2-2.5 մլն եվրո: