ԱԺ նոր նախագահի, փոխնախագահների անունները հայտնի են
Այսօր «Մարիոթում» կայացած հավաքի ժամանակ վերջնական որոշում է կայացրել «Իմ քայլը» դաշինքը: Որպես Ազգային ժողովի նախագահ «Իմ քայլը» դաշինքը կառաջադրի Արարատ Միրզոյանի, որպես փոխնախագահներ՝ Լենա Նազարյանի և Ալեն Սիմոնյանի թեկնածությունները։ Մշակույթի նախարարի պաշտոնակատար Լիլիթ Մակունցի թեկնածությունը «Իմ քայլը» խմբակցության ղեկավարի պաշտոնում նույնպես հաստատվել է։ Խմբակցության քարտուղար կնշանակվի Հակոբ Սիմիդյանը։ Ալեն Սիմոնյանը վստահեցրեց, որ որոշումները միանձնյա չեն ընդունվում, եղել են երկար քննարկումներ, որոնք շարունակվել են այնքան, մինչև եկել են կոնսենսուսի և դա բոլոր թեկնածուների դեպքում՝ ԱԺ նախագահի, փոխնախագահի, բոլորի: Քննարկվել են նաև հանձնաժողովների նախագահների անունները, այս պահին կա 10 հանձնաժողով, կառաջարկվի այդքան, թեպետ Սահմանադրությունը թույլ է տալիս ունենալ 12 հանձնաժողով:
Հետևեք մեզ Viber-ում
