«Ես անելու եմ ամեն ինչ, որպեսզի իմ երկրում չլինի ատելություն, սև ու սպիտակի բաժանում, Արցախն էլ լինի անկախ». Շարմազանով (տեսանյութ)

Հանրապետական Էդուարդ Շարմազանովը տեսաուղերձ է հղել. «Որպես ԱԺ նախագահի տեղակալ՝ վերջին անգամ եմ դիմում ձեզ այս աշխատասենյակից: Ուզում եմ ասել, որ ԱԺ պատգամավորի պաշտոնը, ԱԺ նախագահի տեղակալի պաշտոնն ինձ համար չի եղել լոկ իրավունք, նախևառաջ եղել է՝ պատասխանատվություն, առաքելություն»,- նշել է նա՝ հավելելով, որ չի հեռանալու քաղաքականությունից. «Մնում եմ Հանրապետական կուսակցությունում, շարունակելու եմ իմ պայքարը, որը հանուն է, այլ ոչ թե՝ ընդդեմ: Արել եմ ամեն ինչ անկեղծորեն, որպեսզի իմ երկրի պատիվը բարձր պահեմ, եթե եղել են թերություններ, ներողամիտ եղեք: Անելու եմ ամեն ինչ, որպեսզի իմ երկրում չլինի ատելություն, սև ու սպիտակի բաժանում, Արցախը լինի անկախ, իսկ Ցեղասպանության միջազգային ճանաչում էլ լինի արդեն իրատեսական»: