Թուրքիայի խորհրդարանում պատգամավորները վիճել և քաշքշել են միմյանց
Թուրքիայի Մեջլիսում վիճաբանություն է տեղի ունեցել իշխող «Արդարություն և զարգացում» կուսակցության (ԱԶԿ) և ընդդիմադիր «Լավ» կուսակցության ներկայացուցիչների միջև: Այս մասին, ինչպես հաղորդում է «Արմենպրես»-ը, հայտնում են թուրքական ԶԼՄ-ները: Վիճաբանությանը մասնակցել են նաև ընդդիմադիր քրդամետ Ժողովուրդների դեմոկրատական և Ժողովրդահանրապետական կուսակցությունների մի քանի ներկայացուցիչներ: Վիճաբանության պատճառը եղել է ԱԶԿ խորհրդարանական խմբակցության ղեկավար Մեհմեդ Մուշի ընդդիմությանն ուղղված մեղադրանքը: Մուշը ընդդիմադիրներին մեղադրել է Թուրքիայում ահաբեկչական հռչակված Քրդստանի աշխատավորական կուսակցությանը (ՔԱԿ) oժանդակելու մեջ: Մուշը մեղադրանքները, մասնավորապես, ուղղել է «Լավ» կուսակցության նախագահ Մերալ Աքշեներին և Ժողովրդահանրապետական կուսակցության նախագահ Քեմալ Քըլըչդարօղլուին: Վիճաբանության ժամանակ կողմերը քաշքշել են միմյանց, և Մեջլիսի նախագահը ստիպված է եղել դադարեցնել նիստը: Վիճաբանությունը շարունակվել է նաև ժամեր անց վերսկսված նիստի ժամանակ:
Հետևեք մեզ Viber-ում
