«Լենան չի մասնակցի, քանի որ իր ԼԵՎԼի մարդիկ չեն մյուս հրավիրվածները». Վահան Կոստանյանը՝ Հանրային Ռադիոյի «Կենսաձև» հաղորդմանը
Նարինե Մանուկյանը ֆեյսբուքյան իր էջում գրում է. «Այսօր Հանրային Ռադիոյի Կենսաձևի եթերում պետք է քննարկենք անցած ընտրությունները, ինչ ակնկալիքներ ունի հասարակությունը ձևավորված խորհրդարանից և այլն։ Օգնականս, Մարիամը, զանգում է «Իմ Քայլը» Դաշինքի խոսնակ ոմն Վահան Կոստանյանի (անձամբ չեմ ճանաչում) և խնդրում է հաղորդմանը հրավիրել Լենա Նազարյանին։ Վահանը հարցնում է մյուս երկու հյուրերի անուններն ու ասում, որ Լենան չի մասնակցի, քանի որ իր ԼԵՎԼի մարդիկ չեն մյուս հրավիրվածները: Լեվլ նշանակում է մակադակ Լենային շատ հարգում եմ և վստահ եմ, որ դա իր մոտեցումը լինել չի կարող։ Հորդորս Վահանին Հարգելիս, Հանրային Ռադիոն միակ հարթակն է, որ ներկայացնում է հանրային ՇԱՀԸ, որ միշտ անկողմնակալ ներկայացրել է բոլոր կողմերի կարծիքները ու երբեք մարդկանց չի բաժանել «լեվլների» ))) Իմ հաղորդման հյուրեր են եղել գրեթե բոլոր նախարարները, փոխնախարարները, հայտնի մարդիկ տարբեր ոլորտներից և երբևէ ոչ ոք նման անտակտ և էժան հայտարարություն չի թույլ տվել անել։ Ուստի հորդորում եմ այսուհետ ավելի լուրջ վերաբերվել մեր հրավերներին և մարդկանց չբաժանել «լեվլների», որը, մեղմ ասած, ճիշտ չէ Իսկ ով ինչ «լեվլի» է ցույց կտա ժամանակը, արված աշխատանքն ու հանրային հարգանքը։ Այսքանը»:
Հետևեք մեզ Viber-ում
