Արմեն Գևորգյանի մեղադրանքը լրացվել է. ինչ մանրամասներ են հայտնի

2008-ի մարտի 1-ին Ազգային անվտանգության խորհրդի քարտուղար, նախկին փոխվարչապետ, նախագահի աշխատակազմի նախկին ղեկավար Արմեն Գևորգյանի մեղադրանքը լրացվել է: Այս մասին Tert.am-ի հետ զրույցում ասաց նրա պաշտպան Էրիկ Ալեքսանյանը: «Արմեն Գևորգյանին մեղադրանք էր առաջադրվել ՀՀ Քրեական օրենսգրքի արդարադատության իրականացմանը խոչընդոտելու համար քրեական պատասխանատվություն նախատեսող 332 հոդվածի 3-րդ մասով: Այժմ մեղադրանքը լրացվել է, նրան մեղադրանք է առաջադրվել ՀՀ ՔՕ-ի 38-300.1 հոդվածի՝ սահմանադրական կարգի տապալմանն օժանդակելը, 311-րդ հոդվածի 4-րդ մասի 2-րդ կետի՝ առանձնապես խոշոր չափերով կաշառք վերցնելը, ինչպես նաև ՔՕ-ի 190-րդ հոդվածի 3-րդ մասի 1-ին կետի հատկանիշներով՝ հանցավոր ճանապարհով ստացված գույքն օրինականացնելը՝ առանձնապես խոշոր չափերով»,-ասաց Ալեքսանյանը: Նշենք, որ Արմեն Գևորգյանին դեռևս օգոստոսին մեղադրանք էր առաջադրվել: Դատարանն այսօր քննում է նրան կալանավորելու վերաբերյալ միջնորդությունը, քննությունը կշարունակվի վաղը: