ԲՀԿ քաղաքական թիմի առաջատարը Նաիրա Զոհրաբյանն է

Առավոտյան ՝ ժամը 07:00-ին, Կենտրոնական ընտրական հանձնաժողովն ամփոփեց Հայաստանի ողջ Հանրապետությամբ 2100 ընտրական տարածքների 100 տոկոս քվեները: Եվ այսպես, խորհրդարան անցավ երեք քաղաքական ուժ ՝ «Իմ քայլը», «Բարգավաճ Հայաստան»-ը և «Լուսավոր Հայաստան»-ը: Վերլուծելով, մասնավորապես, «Բարգավաճ Հայաստան» -ի ստացած քվեները, որն այս ընտրարշավին ստացավ 103 824 քվե, նշենք, որ տարածքային, այն է ՝ ռեյտինգային ընտրացուցակներով «Բարգավաճ Հայաստան» կուսակցության քաղաքական դեմքերը ևս առաջադրվել էին, որոնց ստացած քվեները հետևյալն են. Պետրոսյան Գևորգ – 656 քվե Մելքումյան Միքայել – 723 քվե Ուրիխանյան Տիգրան – 1154 քվե Էնֆիաջյան Վահե – 1195 քվե Բագրատյան Սերգեյ – 1492 քվե Նորա Առուստամյան- 1994 Զոհրաբյան Նաիրա - 2110 քվե Եվ այսպես, կարող ենք արձանագրել, որ ԲՀԿ քաղաքական թիմում առավելագույն քվե ստացել է Նաիրա Զոհրաբյանը: Ի դեպ, ևս մեկ հետաքրքիր դիտարկում. ընդամենը սեպտեմբերի 23-ին, Երևանի ավագանու ընտրության ժամանակ, հեղափոխության ամենապիկին, Նաիրա Զոհրաբյանը ՝ որպես Երևանի քաղաքապետի թեկնածու, Երևանում հավաքեց 25 600 քվե: Այս ընտրություններում, ամփոփելով ԲՀԿ-ի ՝ Երևանում ստացած ձայները, նշենք, որ ԲՀԿ-ն Երևանում այս անգամ, առաջադրելով 50-ից ավելի ռեյտինգային թեկնածու, հավաքել է 18 750 քվե: