Հունգարիան Վրաստանի համար 68 միլիոն դոլարի վարկային գիծ կբացի
Հունգարիան Վրաստանի համար 68 միլիոն դոլարի վարկային գիծ կբացի: Այդ մասին հայտնի է դարձել Վրաստանի ԱԳ նախարարի մարտի 29-ից 30-ը Հունգարիա կատարած այցի ընթացքում՝ նրա հունգարացի գործընկեր Պիտեր Սիյարտոյի հետ հանդիպման արդյունքում, հայտնում է trend.az-ը: Հանդիպման ժամանակ հատուկ ուշադրության է արժանացել Վրաստանի և Հունգարիայի միջև առևտրատնտեսական հարաբերությունների զարգացումը: Համագործակցության կարևոր ուղղություններից մեկն անվանվել է կրթության ոլորտը: Նրանք քննարկել են նաև իրադրությունը բռնազավթված տարածքներում: Միխայիլ Ջանելիձեն Հունգարիային շնորհակալություն է հայտնել Վրաստանի ինքնիշխանության և տարածքային ամբողջականության պահպանությանն աջակցելու համար:
