«Այն, ինչ տեղի է ունենում այսօր, քիչ աղերս ունի ընտրությունների հետ». Արթուր Ղազինյան

Արթուր Ղազինյանը ֆեյսբուքյան իր էջում գրում է. «Առաջին անգամ, 1996թ-ից հետո, ընտրություններին չեմ մասնակցում։ Երկակի զգացում է, մի կողմից համոզված ես որոշմանդ ճշմարտացիության մեջ, մյուս կողմից՝ կանչում է քաղաքացիական պարտքը։ Զրկված լինելով ընտրությունը կատարել գաղափարի հիմքով, միշտ ձայնս տվել եմ ընդդիմությանը՝ իշխանության համար հակակշիռ ձևավորելու գաղափարական ձգտումով։ Սակայն այս ընտրություններում չէի կարող քվեարկել ընդդիմության օգտին 2 պատճառով. 1. Չգիտեմ՝ ում կարելի է համարել ընդդիմություն (քարոզարշավին Փաշինյանն ավելի նման էր ընդդիմության) և՝ 2. Չէի կարող քվեարկել իրեն միակ ընդդիմություն հռչակած ՀՀԿ-ին։ Իսկ «բոլորին դեմ» քվեարկելու հնարավորություն չունեմ՝ օրենսդրության անկատարության պատճառով։ Եվ վերջապես, այն, ինչ տեղի է ունենում այսօր, քիչ աղերս ունի ընտրությունների հետ։ Սա, իմ գնահատմամբ, մայիսի 8-ից հետո հաստատված իրողությունների իրավական հաստատման նպատակով կազմակերպած միջոցառում է, ինչին ես մասնակից լինել չեմ կարող»։