Ո՞ր դեպքում ՀՀԿ-ն կբողոքարկի ընտրության արդյունքները.Վիգեն Սարգսյան (video)
9/47 ընտրատեղամասում քիչ առաջ իր քաղաքացիական պարտքը կատարեց ՀՀԿ-ի ցուցակը գլխագորող Վիգեն Սարգսյանը: «Ակնկալում եմ, որ օրվա վերջում կունենանք ավելի համախմբված հասարակություն: Քվեարկել եմ այս Հայաստանի համար, որտեղ որևէ մեկի մտքով երբեք չի անցնի հասարակությունը բաժանել սևերի ու սպիտակների: Մեզ պետք է ավելի ամուր, արագ տեմպերով զարգացող երկիր, քանի որ մարտահրավերները շատ մեծ են, ունեցած պաշարները՝ ավելի փոքր»,- ասաց Սարգսյանը: «Հանրապետական այս ընտրություններում աշխատել է շատ ակտիվ քարոզչական պաշարներով և հույս ունի, որ իրենց մտահոգությունները հասել են ընտրողին: Հանրությունը հնարավորություն ունեցավ լսել իրենց տեսակետը և դիրքորոշումները:Հույս ունեմ, որ առավոտյան մենք կարթնանանք արդյունքներով, որոնք բավարարելի կլինեն բոլորի համար»,- ասաց նա: Լրագրողի ճշտող հարցին` հնարավո՞ր է ՀՀԿ-ն բողոքարկի ընտրությունների արդյունքները, Վիգեն Սարգսյանն ասաց. «Դե եթե բողոքարկելու լինի` այո»: Վիգեն Սարգսյանը նաև վստահություն հայտնեց, որ Սերժ Սարգսյանը ևս կմասնակցի քվեարկությանը, քանի որ «ակտիվ քաղաքացի է»:
Հետևեք մեզ Viber-ում
