Ինչ է արվել կեղծիքների, խախտումների դեմ պայքարելու համար
10/54 ընտրատեղամասում իր քաղաքացիական պարտքը կատարեց ՀՀ ոստիկանապետը: Վալերի Օսիպյանն ասաց, որ քվեարկել է հանուն լավ Հայաստանի: «Կեղծիքների, խախտումների դեմ օրենքով նախատեսված բոլոր կանխարգելիչ աշխատանքները կատարվել են ոստիկանության կողմից »: «Նախադեպը չունեցող քարոզարշավ է տեղի ունեցել, ինքներդ էլ կարող եք դա փաստել։ Տեղի չի ունեցել որևէ արտառոց դեպք, որը, իհարկե, անթույլատրելի կհամարեինք։ Բայց ամեն դեպքում իրականացվել են օրենքով նախատեսված բոլոր միջոցները»,-ասաց Վալերի Օսիպյանը։ Հարցին, թե մինչև ընտրությունները դուք հանդիպեցիք ռեյտինգային ընտրակարգով առաջադրված թեկնածուների հետ, դա ինչ–որ ազդեցություն ունեցա՞վ, բացի այդ, նաև ընտրակաշառքի հետ կապված ահազանգեր, տեղեկություններ ստացե՞լ է ոստիկանությունը, Վալերիյ Օսիպյանն ասաց, որ ի սկզբանե, երբ ինքն այցելել է Արագածոտնի մարզ, այնուհետև Շիրակի մարզ, որոշ քաղաքական ուժեր փորձել են դա քաղաքականացնել, բայց ոստիկանությունը բազմիցս հայտարարել է, որ քաղաքականությամբ չի զբաղվել և վաղն էլ չի զբաղվելու:
Հետևեք մեզ Viber-ում
