Խուճապ. ՀՀԿ քարոզչությունը իր պտուղներն է տալիս

«Ժամանակ» թերթը գրում է. «ՀՀԿ-ականների քարոզչությունը արդեն իր պտուղներն է տալիս: Սահմանամերձ որոշ բնակավայրերի բնակիչների մեջ սկսել է արմատանալ այն մտահոգությունը, որ «Իմ քայլը» դաշինքի հաղթանակի դեպքում կարող է պատերազմ սկսվել, կամ Հայաստանը կարող է համաձայնվել ազատագրված տարածքների վերադարձին: Այսպիսով, ՀՀԿ-ն փորձում է իր քարոզչության միջոցով խուճապ սերմանել մարդկանց մեջ: Որոշ մարդիկ սկսել են խոսել, թե՝ ոչինչ, որ երկիրը թալանել են, համատարած կոռուպցիա է եղել ու չքավորություն, կարևորը համեմատաբար խաղաղ պայմաններ են եղել»: Ամբողջությամբ կարող եք կարդալ թերթի այսօրվա համարում: